Vijesti

Stakleni tobogan na 300 metara visine

Stakleni tobogan na 300 metara visine

Znamo da je Amerika zemlja zabave, a u Njujorku i Los Anđelesu nema čega nema. Ovaj put vas vodimo na zapadnu obalu SAD – a, na vožnju toboganom nakon kojeg vas više neće biti strah visina.

 

Svi vi koji volite adrenalin zasigurno ste već čuli i za strašni zipline, brze i opasne vozove smrti, kao i one spore, ali možda i najstrašnije. U tom slučaju, zanimaće vas i ova priča, koja ne govori ni o ziplineu ni rollercoasteru, ali govori o toboganu.

 

Tobogan, imena Skyslide, smjestio se u zgradi US Bank Tower u Los Anđelesu, između 69. i 70. sprata. Radi se inače o jednoj od najviših zgrada u SAD – u, u koju je prije par godina, tokom renoviranja, ulupano 68 miliona dolara.

 

Odlučeno je da se kao atrakcija postavi i tobogan, koji je kompletno napravljen od čvrstog stakla. Uprkos vožnji od svega par sekundi koja stoji 10 dolara, priličan je adrenalin se spustiti niz njega s obzirom da vas od ponora dijele tek 2,5 centimetra stakla.

 

Jedna od sretnica koje su imale priliku isprobati vožnju bila je i novinarka Amanda Li Majers, koja je nakon vožnje izjavila: "Skakala sam iz aviona s 4500 metara, vozila se vozom smrti koji ide 160 km/h, penjala se slabo opremljena na opasne i visoke stijene, ali ovo je možda i najstrašnija stvar koju sam napravila."