Vijesti

Fergi: Bila sam zavisnik od droge, imala sam halucinacije svaki dan

Fergi: Bila sam zavisnik od droge, imala sam halucinacije svaki dan

Nakon što je otvoreno pričala o najtežem periodu života i razvodu od glumca Džoša Duhamela, sa kojim se rastala prije par meseci, pjevačica Fergi sada je otvorila dušu i o svojoj borbi i zavisnosti od kristalnog metamfetamina. Ona je za britanski iNews ispričala kako joj je to uzrokovalo zdravstvene probleme.

“Patila sam od psihoze i demencije uzrokovane tim hemikalijama. Halucinirala sam na dnevnoj bazi. Godinu dana je trebalo da mi se mozak iščisti od hemikalija i da prestanu da mi se priviđaju stvari. Ponekada mi se iz čista mira priviđala pčela ili zec kako trči”, priznala je Fergi koja je, kako kaže, iz svega toga ipak nešto i naučila.

“Drogiranje je bilo zaista zabavno… sve do trena dok nije više bilo. Ali, znate šta, srećna sam i zahvalna na danu kada mi se to dogodilo. Zahvaljujući tome pronašla sam svoju unutrašnju snagu, vjeru i želju za nečim boljim”, priznaje pjevačica koja je ovom ispovješću htjela da pomogne drugima u njihovoj borbi, jer kako i sama kaže droga je bila “njen partner sa kojim je bilo jako teško raskinuti sve veze”.